08 janv. 2020
epi m a di madi gen madichon
m a di se rès maladi ki kaye sou po
dat la bliye non l nan vil la
dat la siyen non l sou vil mwen
dat la friz sou lang mwen
dat la fè twòp jou
pa foure
douz janvye nan powèm nan tande !
twòp bri twòp rèl pral souke powèm nan
m a di m a di kwoke vil la
je pot prèv mezi lapli ki te vle viv
wotè chanmòt fè de bout
douz janvye souke kò l
doulè mòde tou wouj
grann brijit bawon samdi
fòskomin ak simityè bwè laj tou vèt
chen manje laj tou vyèj
syèl la se parachit mwen wi
lè m ap sot nan mwen
.
